Ички ишлар вазирлиги Тошкент шаҳар бошқармаси ходимлари Рустам Жиянов ва сержант Эркин Абдуназаровлар гиёҳванд моддалар истеъмол қилиб, шу аҳволда машина ҳайдаб кетаётган икки йигитни қўлга олишди.
Воқеа пойтахтнинг Яккасарой туманида бўлиб ўтди. Тилга олиб ўтилган икки ҳуқуқ-тартибот ходими ўзларига белгилаб берилган кўчаларда назорат ишлари олиб бораётган пайтда Spark русумли автомобилнинг шубҳали ҳаракатларини пайқаб қолишган. Улар машинани тўхтатиб, унинг ичида ўтирган икки йигитга ҳужжатларини кўрсатишни сўраб мурожаат қилишган. Аммо бунга жавобан йигитлар ўзаро кулишиб, тушунарсиз гапларни гапирган. Ходимлар икки йигитни идорага етказишган.
Аниқланишича, машина ҳайдовчининг ёнидаги ўриндиқда ўтирган йигитга тегишли бўлиб, унинг машинани ҳайдаб кетаётган ўртоғи тегишли ҳужжатга эга бўлмаган. Бундан ташқари, иккаласи ҳам гиёҳванд моддалар истеъмол қилгани маълум бўлган. тинтув жараёнида машина эгасининг ёнидан 17 гр миқдорида гашиш моддаси топилган.

 «Samarqand avtomobil zavodi” mas’uliyati cheklangan jamiyat xodimlari tomonidan past sathli o‘rta sig‘imli avtobus modeli ixtiro qilindi, deya xabar bermoqdaO‘zbekiston Respublikasi Intellektual mulk agentligi.

Yaratilgan foydali model yo‘lovchi tashuvchi transport sohasi uchun mo‘ljallangan. Uning vazifasi yo‘lovchilarni tashishda xavfsizlikni oshirish, o‘tirib ketadigan joylar sonini ko‘paytirish, shuningdek, bekatlarda yo‘lovchilar almashinish tezligini oshirishdan iborat.

Avtobus tarkibiga uning old va o‘rta qismida joylashgan ikkita xizmat eshigiga ega bo‘lgan yo‘lovchilar salonidan iborat kuzov karkasi, yo‘lovchilar salonidan to‘siq bilan ajratilgan haydovchi o‘rni, orqa eshik qarshisida joylashgan hamda nogironlar aravachasi uchun mo‘ljallangan joyga ega bo‘lgan maydoncha, ikki tavaqali orqa xizmat eshigi oralig‘ida joylashgan apparel, salonning orqa devori bo‘ylab va o‘ng va chap yonboshlarida qurilma-podiumda salonning old qismida va orqa qismida qator joylashgan o‘rindiqlar kiradi.

Bunda qurilma-podiumning o‘ng va chap tomonlari o‘rtasida ikkitadan zinapoya qilingan. Salonning old qismida chap va o‘ng yonboshlarda qurilma-podiumlar joylashgan bo‘lib, ularda uch qatordan juftlangan o‘rindiqlar joylashtirilgan, birinchi qatordagi juftlangan o‘rindiqlar g‘ildiraklar ustidagi arkada suyanchig‘i yo‘nalishga qarshi o‘rnatilgan, ikkinchi va uchinchi qatordagi o‘rindiqlar suyanchig‘i yo‘nalish bo‘ylab o‘rnatilgan. Bunda old qurilma-podiumlarning bo‘lmalarida orqa eshikning old tirgagida diagonal yo‘nalishda tirovchi poyalar o‘rnatilgan bo‘lib, ular kuzov poli ramasining ko‘ndalang tirgakchalarini kuzov karkasi tirgaklari bilan biriktiradi.

Bundan tashqari, diagonal yo‘nalishdagi tirovchi poyalar kuzov poli ramasining ko‘ndalang tirgakchalariga nisbatan a=38° burchak ostida joylashtirilgan. Yonbosh tomondan haydovchining ish joyini yo‘lovchilar salonidan ajratib turadigan to‘siq haydovchi ish joyining eniga teng qilib bajarilgan. Orqa eshikning old tirgagi ortida joylashgan qurilma-podium bo‘lmasida ehtiyot g‘ildiragi uchun joy ajratilgan

Facebook’dagi «Voditeli Tashkenta” guruhiga Porsche Cayenne va «Moskvich” rusumidagi avtomobillar ishtirokida yo‘l-transport hodisasi sodir bo‘lgani aks etgan fotosurat joylashtirildi.

Surat ostiga qoldirilgan izohlarda foydalanuvchilardan bir nechtasi ushbu Porsche avtomobili xonanda Jasur Umirovga tegishli ekanligini yozgan. To‘qnashuv oqibatida Porsche’ga yengilroq, «Moskvich”ga jiddiyroq zarar yetgan.

Ko‘pchilik avariya aynan Porsche yo‘lning qarama-qarshi yo‘nalishlarini ajratuvchi chiziq borligiga qaramay boshqa yo‘nalishga o‘tishga uringani tufayli sodir bo‘lganini taxmin qilgan.